Cymeradwyo

Mae cymeradwyo yn ffactor allweddol mewn addysg plentyn:

  • Rhoddir cymeradwyaeth yn rheolaidd am waith da a gyflawnwyd – naill ai ar lafar neu’n ysgrifenedig yn y llyfrau ysgrifennu neu’r Llyfr Cyswllt.
  • Cofnodir gwaith da, ymddygiad da a chyraeddiadau yn yr Adroddiadau ac ar  lafar.
  • Cydnabyddir gwahanol fathau o lwyddiant yn y gwersi Bugeiliol, y Gwasanaethau Blwyddyn neu’r Gwasanaeth Llawn.
  • Arddangosir gwaith disgyblion gymaint â phosib.
  • Croesawir y cyfle i roi clod i unigoliongan y Pennaeth, y Dirprwy a’r Penaethiaid Safonau.
  • Hybir disgyblion i gymeryd rhan mewn gweithgareddau allgyrsiol.

Pan fydd rhaid cosbi gwneir hyn mewn gwahanol ffyrdd:

  • Gwaith cartref ychwanegol.
  • Cadw i mewn amser egwyl/cinio.
  • Arolwg dyddiol.
  • Tynnu allan o wersi am gyfnod.

Mae gan yr Ysgol gamau gweithredu pendant i ddelio â gwahanol droseddau.

  • Problemau pob dydd, llai difrifol:
    Athro Dosbarth/Pennaeth Safonau
  • Problemau disgyblaeth difrifol:
    Uwch Dîm Arwain ac yna’r Pennaeth lle    na bydd gwelliant yn digwydd.

Pan fydd angen, cysylltir â’r rhieni a’u gwahodd i’r ysgol i drafod ymddygiad eu plentyn. Bydd yr Awdurdod yn caniatau i ysgol wahardd disgyblion o’r ysgol am gyfnod penodedig mewn rhai amgylchiadau eithriadol.